Əməkdaşlarınızın icbari tibbi sığorta mövzusunda məlumatlılığını artırmaq istəyirsinizsə, təlimlərin təşkili üçün İcbari Tibbi Sığorta üzrə Dövlət Agentliyinə müraciət edə bilərsiniz.
Aztibb.az Agentliyə istinadla xəbər verir ki, təlimlərdə aşağıdakı mövzularda məlumatlar təqdim olunur:
Sağlam həyat tərzinin təbliği;
İcbari tibbi sığorta haqqında ümumi məlumat;
İcbari tibbi sığorta haqları;
İcbari tibbi sığortanın Xidmətlər Zərfinə daxil olan tibbi xidmətlər;
TƏBİB-in tabeliyindəki dövlət tibb müəssisələri barədə ümumi məlumat;
İcbari tibbi sığorta çərçivəsində tibbi xidmətlərdən istifadə qaydası;
Agentliyin müqavilə bağladığı özəl tibb müəssisələrinin siyahısı;
Özəl tibb müəssisələrində icbari tibbi sığortadan istifadə qaydası və s.
Təlimlərlə bağlı müraciətlərinizi marketing@its.gov.az ünvanına göndərə bilərsiniz.
