Azərbaycan Respublikası Dövlət Gömrük Komitəsi Tibbi Xidmət İdarəsinin rəisi, t.ü.f.d. Ceyhun Məmmədov, Tibbi Xidmət İdarəsinin rəis müavini, t.ü.f.d., dosent İsmayıl Əfəndiyev və Tibbi Xidmət İdarəsinin Elmi-Təcrübi və Tədris Mərkəzinin rəisi, t.e.d. Rəşad Mahmudovun müəllifi olduqları “Narkotik vasitələr və psixotrop maddələrlə intoksikasiyalar: diaqnostika, müalicə və profilaktika” adlı yeni metodik vəsait çapdan çıxıb.

 

Mərkəzi Gömrük Hopitalından Aztibb.az-a verilən məlumata görə, nəşr Azərbaycan Respublikası Səhiyyə Nazirliyi Elmi-Tibbi Şurasının 6 iyul 2022-ci il tarixli 14 nömrəli qərarı ilə təsdiq olunub.

 

Metodik vəsaitdə narkotiklər və psixotrop maddələr ilə kəskin zəhərlənmələrlə əlaqəli klinik vəziyyətlərdə göstərilən ardıcıl tədbirlərinin ətraflı təsviri verilib. Yeni nəşr bu qrup zəhərlənmələrin diaqnostikasını, epidemiologiyasını, təsnifatını, toksik maddənin növündən asılı olmaqla klinik təzahürünü, differensial diaqnostikasını əhatə edir.

 

Qeyd edək ki, metodik vəsait ilkin səhiyyə sistemində çalışan tibb işçiləri, təcili tibbi yardım həkimləri, həkim toksikoloqlar, anestezioloq-reanimatoloqlar, həkim-psixiatrlar, həkim-narkoloqlar, məhkəmə-tibb ekspertləri və qeyd edilən ixtisaslar üzrə həkim-rezidentlər üçün nəzərdə tutulub.