Avropa Kardiologiya Cəmiyyətinin Kəskin Ürək-Damar Xəstəlikləri Assosiasiyasının İdarə Heyətinin üzvü, prof. Bülent Görenek soyuq qrip infeksiyalarının ürək xəstələrində bəzi problemlərə səbəb ola biləcəyini söyləyib.

Aztibb.az-ın medimagazin.com.tr-yə istinadla xəbərinə görə, Əskişəhər Osmanqazi Universiteti Tibb fakültəsi Kardiologiya kafedrasının da müəllimi olan B.Görenek havaların soyuması ilə bu günlərdə qripə yoluxma hallarının artdığını bildirib.

Ürək xəstələrini bu mövzuda xəbərdar edən B.Gorenek deyib: "Bu infeksiyalar təəssüf ki, ürək xəstələrinə mənfi təsir göstərir. Bəzən infeksiyalara görə ürək ritminin pozulması, yəni ürək döyüntüsü yarana bilir. Bunlar adətən ürəyin atriyalarından əmələ gəlir. Əgər əsas ürək çatışmazlığı varsa, soyuq hava və əlaqəli infeksiyalar ürək çatışmazlığının mənzərəsini pisləşdirə bilər".

Türkiyəli professor soyuq havanın ürək xəstəliklərinə birbaşa təsir etdiyini və infarkt olma riskini artırdığını bildirib.