Kataliz və Qeyri-üzvi Kimya İnstitutunun əməkdaşı, kimya üzrə fəlsəfə doktoru Mirheydər Abbasovun “İnfraqırmızı spektroskopiyanın üzvi və qeyri-üzvi birləşmələrə tətbiqi” kitabının IV cildi işıq üzü görüb.

Aztibb.az xəbər verir ki, kitabın bu cildində üzvi birləşmələrin müxtəlif siniflərinin (azobirləşmələr, hidrazinlər, hidrazidlər, kükürdlü üzvi birləşmələr, kumarinlər, izotop əvəzlənmiş birləşmələr, sadə və mürəkkəb efirlər, nitrobirləşmələr, üzvi nitratlar və nitritlər) nümunələri seçilib. Bir neçə cilddən ibarət olacaq bu kitabın IV cildində üzvi birləşmələrin müxtəlif sinfindən olan 316 kimyəvi birləşmələrin infraqırmızı spektrlərinin geniş analizi verilib.

Kitab mütəxəssis və tədqiqatçılar, tələbələr üçün nəzərdə tutulub.