ATU-nun xarici tələbələri arasında praktiki bilik üzrə yarışma keçirilib
21.12.2022 15:00

Azərbaycan Tibb Universitetində (ATU) təhsil alan xarici tələbələr arasında praktiki bilik üzrə yarışma keçirilib. Tədbir ATU-nun Tələbə Həmkarlar İttifaqı Komitəsi və Azərbaycan Qızıl Aypara Cəmiyyəti təşkilatçılığı ilə baş tutub.

 

Universitetdən Aztibb.az-a bildirilib ki, məqsəd aşağı kursda təhsil alan əcnəbi tələbələrin ilkin yardımın göstərilməsi üzrə baza biliklərini yoxlamaq və bu bacarıqları gücləndirməkdən ibarət olub.  Müsabiqədə ATU-nun İran, İraq, Hindistan, Efiopiya, Latın Amerika ölkələri, Türkiyə, Afrika, Birləşmiş Ərəb Əmirlikləri, Suriya, Fələstin, Pakistan, Sudan, Misir və digər ölkələrdən olan tələbləri iştirak ediblər.

 

Yarışmadan öncə Azərbaycan Qızıl Aypara Cəmiyyətinin təmsilçisi Əminə Cabbarova qurumun fəaliyyəti haqqında tələbələr üçün təqdimat keçirib. Həmçinin iştirakçılara GFARC tərəfindən beynəlxalq səviyyəli İlkin Tibbi Yardım  üzrə protokolları məlumat verilib.

 

Sonra 6 qrupdan ibarət komandalar arasında yarışma keçirilib. Tələbələr çox vaxt həyatı xilas etməyə səbəb olan bacarıqlar - yaralanmalar və zədə almalar, zəhərlənmələr, günvurma zamanı göstərilən ilkin yardım, ürəyin masajı və s kimi bacarıqları mulyaj və maketlər üzərində nümayiş etdiriblər. Sonda qalib komandaya hədiyyə, müsabiqə iştirakçılarına isə sertifikat təqdim olunub.

 

Qeyd edək ki, ATU THİK-in sədri Dr Qoşqar İsmayılov, Tədris-Terapevtik Klinikasının Təcili Yardım şöbəsinin müdiri Cavanşir Məhərrəmov, həkim-pediatrı Zərifə Məmmədova   və AzQAC-nin İlk Yardım əməkdaşları Şahin Biləndərli və Əminə Cabbarova  münsiflər qismində iştirak edərək tələbələrin bacarıqlarını qiymətləndiriblər. Tədbirin təşkilində ATU THİK  nəzdində yaradılan “Beynəlxalq Tələbələrin Səsi”  (Voice of İnternational Students) birliyinin sədri Rz. Şafa Mohamed də fəal iştirak edib.

Səadət Məmmədova
Müəllifin digər yazıları
ÇOX OXUNANLAR
AMEA müxbir üzvü Nuru Bayramov İnönü Universitetinin fəxri doktoru seçilib
Həkimlər narı bütün xəstəliklər üçün əsas hesab edirlər
Alimlər kök şirəsinin xərçəng hüceyrələrinə qarşı faydalarını sübut ediblər
Tanınmış qastroenteroloq-endoskopist Rəfael Həsənovun 45 yaşı tamam olur
Naftalan Şəhər Mərkəzi Xəstəxanasının gənc həkimi - Gülnar Hüseynli
     5 saatlıq əməliyyatla xəstəyə süni qida borusu qoyulub       
Mayalanmış qidalarda olan hər bakteriya probiotik deyil
Anadangəlmə kloakal ekstrofiya problemi olan uşaq üzərində əməliyyat icra edilib
Nəhəng barmaqlardan əziyyət çəkən qız əməliyyat olundu
Yaşıl yarpaqlı tərəvəzlərdə olan fol turşusu bağırsaq xərçəngi riskini azaldır 
Gəncədə daha əvvəl hamiləliyi olmayan 35 yaşlı qadına miomektomiya əməliyyatı icra edilib
Ağrı şikayəti ilə getdi, qarnından 20 kq-lıq kütlə çıxdı
TƏBİB böyük məsləhətçi vəzifəsi üzrə vakansiya elan edir
Böyrəyi daşla dolu azərbaycanlı körpə Türkiyədə sağalıb
Ağır vəziyyətdə Bakı Sağlamlıq Mərkəzinə müraciət edən 102 yaşlı müharibə veteranı Fatma Səttarova sağlamlığına qovuşub