2 nömrəli Bakı Baza Tibb kollecinin “Ortopedik stomatologiya” şöbəsinin müəllimləri - Aygün Əliyeva və Nailə Zeynalova tərəfindən “Bügel protezlərinin hazırlanmasında müasir texnologiyalar” adlı dərs vəsaiti hazırlanıb.
Aztibb. az Kollecə istinadla xəbər verir ki, vəsaitdə “Bügel protezlərinin hazırlanma texnikası” və “Metal diş protezlərinin tökmə işi” bölmələri üzrə bütün vacib məqamlar yer alıb.
Vəsait verilmiş materialın mənimsənilməsini asanlaşdıran rəngli rəsmlər və illüstrasiyalarla zəngindir, yoxlama sualları isə əldə edilmiş biliklərin möhkəmləndirilməsi məqsədi daşıyır.
Tədris vəsaiti tibb kolleclərinin müəllimlərinə, tələbələrinə, gənc stomatoloqlara, diş texniklərinə konkret konstruksiyanın seçilməsində, kliniki təcrübi düşüncələrin formalaşmasında yaxından kömək olacaq.
