Aztibb.az "Həkimlərimizi tanıyaq!" rubrikasında Almaniyanın Axen şəhərində yerləşən “Zahnarztpraxis am Elsassplatz” stomatoloji klinikasının təsisçisi, azərbaycanlı həkim Nigar Musayeva haqqında məlumatları təqdim edir.
Nigar Musayeva 2004-2008-ci illərdə Azərbaycan Tibb Universitetinin Stomatologiya fakültəsində təhsil alıb. Daha sonra RWTH Aachen Universitetində eyni ixtisas üzrə təhsilini davam etdirib.
O, 2016-2018-ci illərdə Aachen şəhərində, 2018-2020-ci illərdə Herzogenrath şəhərində assistent həkim işləyib. Assistentlik müddətini bitirən kimi, 2020-ci ilin iyul ayından 2022-ci ilin mart ayınadək Herzogenrath şəhərində həkim kimi fəaliyyət göstərib.
2022-ci ilin aprel ayında Aachen şəhərində şəxsi stomatoloji klinikasını - "Zahnarztpraxis am Elsassplatz" təsis edib.
Klinikada protetik stomatologiya, implantologiya, estetik stomatologiya, parodontologiya və s. stomatoloji müayinə və müalicə xidmətləri göstərilir.