Dekabrın 10-da ümummilli lider Heydər Əliyevin anım gününə həsr olunan “Azərbaycan-Türkiyə Neonatologiya Konqresi” keçiriləcək.

Bu barədə Aztibb.az-a Mərkəzi Gömrük Hospitalından məlumat verilib.

Bildirilib ki, tədbir Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin və Mərkəzi Gömrük Hospitalının birgə təşkilatçılığı, Florence Nightingale Xəstəxanalar Qrupunun, Fetal Genetik Mərkəzin, Səhiyyə Televiziyasının, Unity Company, Bübchen və Ascent MMC şirkətlərinin əməkdaşlığı ilə baş tutacaq.

Konqresdə “Neonatal reanimasiyada sıx rast gəlinən hallar”, “Yenidoğulmuşlarda respirator dəstək strategiyaları” və “Neonatologiyada genetik skrininq metodları” başlıqlı 3 paneldə ümumilikdə 8 məruzə təqdim olunacaq.

Əlçatanlığı təmin etmək məqsədilə tədbir hibrid formatda həyata keçiriləcək. Proqrama uyğun olaraq konqresdə pediatr, neonatoloq, anestezioloq-reanimatoloq, genetik, uşaq cərrahı, kardioloq, mama-ginekoloq, təcili və təxirəsalınmaz tibbi yardım üzrə həkim, hematoloq və endokrinoloq ixtisasına malik həkimlər və rezidentlər iştirak edə bilər.

Proqramın 80 faizini tamamlayan hər bir iştirakçıya 8 DTT balı və sertifikat veriləcək.

Konqres əyani Holiday İnn otelində, distant olaraq isə "ZOOM" platformasında həyata keçiriləcək. Tədbirdə iştirak ödənişsizdir!

Yerlər məhdud olduğu üçün qeydiyyatdan keçmək mütləqdir!

Əlavə məlumat üçün linkə keçid edə biləriniz: https://customshospital.az/10-dekabr-azerbaycan-turkiye-neonatologiya-konqresi/#gsc.tab=0 

Qeydiyyatdan keçmək üçün link: https://forms.gle/agMBjPxJ42gwBDL58