2022-ci tədris ilində 2 nömrəli Bakı Baza Tibb kollecinin “Ortopedik stomatologiya” şöbəsinin müəllimi Ülviyyə Bağırovanın “Sadə və kombinəedilmiş bügel protezləri” adlı dərs vəsaiti işıq üzü görüb. 

Stomatologiya sahəsinin peşəkar və savadlı diş texniklərinə ehtiyacı olduqca böyükdür.

Aztibb.az xəbər verir ki, müəllif tərəfindən kitabda ortopedik stomatologiya təhsili alan tələbələrə və müdavimlərə hissəvi çıxan protezlərdən olan, əsası metal karkaslı, estetik, kip fiksasiya vasitəli, müasir tələblərə cavab verən bügel protezlərin hazırlanma texnologiyası mərhələlərlə izah olunur. Bu mərhələlərdə istifadə olunan alət, aparat və avandanlıqlar haqqında müəllif ətraflı məlumat verib.

Tədris vəsaiti tibb kolleclərinin müəllimləri, tələbələri, diş texnikləri üçün nəzərdə tutulmuşdur. 

Müəllif: Səadət Abdullayeva