Azərbaycan Tibb Universitetinin Ailə təbabəti kafedrasının müdiri, professor İbrahim İsayev və dosent Rəna Məmmədova tərəfindən hazırlanmış “Pediatrik semiologiya” adlı dərslik işıq üzü görüb. 

Bu barədə Aztibb.az-a ATU-dan bildirilib.

Dərslikdə təməl pediatriyanın əsas bölmələri - deontologiya məsələləri, uşaq yaşının dövrlərinin səciyyəsi, uşaqlarda fiziki inkişafın yaş xüsusiyyətləri, sağlam uşaqların qidalanma prinsipləri, uşaqlarda üzv və sistemlərin anatom-fizioloji yaş xüsusiyyətləri, onların müayinə üsulları, əsas zədələnmə simptom və sindromları ətraflı şəkildə əks olunub. 

Tibb təhsili verən aparıcı universitetlərin tədris proqramları əsasında tərtib edilən dərslik ali məktəb tələbələri və rezident həkimlər üçün nəzərdə tutulub.