Sentyabrın 25-də saat 16:00-da USAID/Azerbaijan, Azərbaycan Respublikası Səhiyyə Nazirliyi, İcbari Tibbi Sığorta üzrə Dövlət Agentliyi, TƏBİB, İctimai Səhiyyə və İslahatlar Mərkəzi və "Ümidli Gələcək" Gənclər Təşkilatının təşkilatçılığı ilə "COVID-19 və hamilələr: infeksiyon nəzarət və profilaktika" mövzusunda onlayn seminar keçiriləcək.
Tədbir COVID-19 pandemiyası dövründə ana və uşaq sağlamlığının mühafizəsi və infeksiyaların profilaktikası tədbirlərinin gücləndirilməsi məqsədini daşıyır.
Onlayn seminarda İctimai Səhiyyə və İslahatlar Mərkəzinin Səhiyyə Siyasəti və Planlaşdırma şöbəsinin müdir müavini Lətafət Dadaşova, Tibbi Ərazi Bölmələrini İdarəetmə Birliyinin Xəstəliklərin kontrolu və profilaktikası departamentinin əməkdaşı Gülnarə Yusifova, Elmi Tədqiqat, Mamalıq və Ginekologiya İnstitutunun cərrah-mama ginekoloqu, tibb üzrə fəlsəfə doktoru Xəyalə Təhməzi, eləcə də bu müəssisənin elmi katibi, tibb üzrə fəlsəfə doktoru, cərrah mama-ginekoloq Aynurə İsmayılova çıxış edəcəklər.