Psixi pozuntuları və müxtəlif maddələrin beyinin fəaliyyətinə təsirini öyrənən qurğu hazırlanıb
28.08.2022 11:18

Alimlər beyinin kiçik modelini təqdim edən sistem hazırlayıblar.

 

Aztibb.az bu barədə hightech.fm-ə istinadla xəbər verir.

 

Bildirilir ki, Con Hopkins Universitetinin rəhbərliyi altında tədqiqatçılardan ibarət qrup beyinin işini təqlid edən orqanoidlərin tədqiqi üçün elektroensefaloqrafiya (EEQ) sistemini adaptasiya ediblər. Yeni qurğu beyinin şişlərinin axtarışı üçün istifadə edilən klassik "elektrodlar papağı"nı xatırladır. O, psixi nasazlıqları müəyyən etməyə və müxtəlif maddələrin beyinin işinə təsirinin öyrənilməsində kömək edəcək.

 

Orqanoidlər gövdə hüceyrələrindən böyüdülmüş, orqanların inkişafının öyrənilməsi üçün istifadə olunan mürəkkəb kiçik modellərdir.  Orqanoid mini-beyin isə laboratoriyada böyüdülmüş gövdə hüceyrələrindən ibarət,  beyinin bəzi strukturları və funksiyalarını təqlid edən kürədir.

 

Orqanoidlər, xüsusilə mini-beyinlər, tibbi tədqiqatlarda böyük əhəmiyyətə malikdir, çünki, onları sınaqlar zamanı istifadə etmək mümkündür.

 

Yeni üçölçülü EEQ alimlərə hansı proseslərin orqanoidlərdə müxtəlif kimyəvi reaksiyalara səbəb olduğunu daha yaxşı anlamağa imkan verəcək. Bu, həmçinin daha təhlükəsiz dərmanların hazırlanmasına kömək edəcək.