Vitamin D-nin kimyəvi adı kalsiferoldur. Uşaqların orqanizminin inkişafında mühüm rol oynayan bu vitamin immunitet sistemini gücləndirməklə yanaşı qanın normal laxtalanmasını təmin edir. İnsan orqanizmində sümük sağlamlığının qorunması üçün D vitamini əvəzsiz rol oynayır.
Aztibb.az Kliniki Tibbi Mərkəzin rəsmi feysbuk səhifəsinə istinadla bildirir ki, bədənin D vitamini ehtiyacını qarşılayan ən yaxşı mənbə günəşdir. Dəri günəş işığını sintez edir və onu D vitamininə çevirir. Uşaqların D vitamininə tələbatı yaşlılara nisbətən 2-2,5 dəfə çoxdur.
Süd, ayran, kefir, pendir, qatıq, kərə yağı, tuna balığı, qaraciyər, şirin kartof, balıq yağı, cəfəri, gicitkən, yulaf kimi məhsullar D vitamini ilə zəngindir.
Vitamin D çatışmadıqda orqanizmdə кalsium və fosfor mübadiləsi pozulur və uşaqlarda raхit, yaşlılarda isə osteoporoz хəstəliyi yəni sümük əriməsi probleminə səbəb olur. D vitamini çatışmazlığı insanda ümidsizlik, depressiya hallarına, sümük ağrılarına, tez-tez soyuqdəymə xəstəliklərinə səbəb olur, xroniki yorğunluq yaradır. Eyni zamanda bu vitaminin çatışmazlığı zamanı dəri, saç və dırnaqların vəziyyəti pisləşir, immun sistemi zəifləyir.