Azərbaycan Tibb Universitetinin məzunu Alşan Salamzadə 1 fevral 2022-ci il tarixindən etibarən Mərkəzi Gömrük Hospitalının Uşaq Cərrahiyyəsi şöbəsində rezidentura təhsilini davam etdirir.

 

Aztibb.az xəbər verir ki, həkim-rezident A.Salamzadə 2013-2019-cu illərdə Azərbaycan Tibb Universitetinin Müalicə-profilaktika fakültəsində təhsil alıb.

 

2019-cu ildə Azərbaycan Tibb Universitetinin Tədris Cərrahiyyə Klinikasının rezidenturasına daxil olaraq, 2022-ci ilin fevral ayına qədər burada uşaq cərrahiyyəsi ixtisası üzrə təhsil alıb. 

 

O, kuratoru - Mərkəzi Gömrük Hospitalının uzman uşaq cərrahı Vüsal Cəfərovun rəhbərliyi altında abdominal cərrahiyyə, uşaq urologiyası, torakal cərrahiyyə, yenidoğulmuşların anadangəlmə inkişaf qüsurları üzrə aparılan bütün növ açıq və laparoskopik əməliyyatları təcrübədə tətbiq edir. Həkim-rezident Alşan Salamzadə azyaşlı pasiyentlərin əməliyyat öncəsi müayinə və dəyərləndirilməsində, o cümlədən əməliyyat sonrası təqiblərində aktiv şəkildə iştirak edir.