Həkim-radioloq Anar Eyvazov fəaliyyətini Kliniki Tibbi Mərkəzdə davam etdirəcək.
Aztibb.az xəbər verir ki, A.Eyvazov Radiologiya şöbəsinin həkim-radioloqu vəzifəsinə təyinat alıb.
A.Eyvazov 1 oktyabr 1982-ci ildə Astara rayonunda anadan olub. 1989-2000-ci illərdə Astara rayonu Siyəkü kənd orta məktəbində təhsil alıb. 2000-2005-ci illərdə Azərbaycan Tibb Universitetinin Funksional diaqnostika ixtisasında təhsilini davam etdirib.
2006-cı ildə 3 saylı Şəhər Klinik Xəstəxanasında funksional diaqnostik, 3 aylıq ixtisaslaşma, təkmilləşmə kurslarında iştirak edib. 2007-ci ildə Çinar Diaqnostika Mərkəzində, 2007-2021-ci illərdə isə Lənkəran Müalicə Diaqnostika Mərkəzində radioloq, 2021-2022-ci illərdə “Azevromed” klinikasında həkim-radioloq kimi çalışıb.
