İngiltərənin Lids Universitetininmütəxəssisləri tərəfindən ağciyərlərdə olanşübhəli zədələnmələri müəyyən etmək və yadərmanların bu orqana çatdırılmasını təminetmək üçün ağciyərlərin dərinliklərinə qədərhərəkət edə bilən kiçikölçülü, həşərat formalı robot hazırlanıb.
Aztibb.az popmech.ru-ya istinadla xəbər verir ki, bundan öncə səkkizayaqlı ilbizlər və kalmarlara bənzər robot ağciyərlər və tənəffüs yollarının tədqiqi üçün istifadə edilən boruşəkilli tibbi alət olan bronxoskopun imkanlarını genişləndirmək üçün hazırlanmışdı. Həkimlər onu bronxial keçidlərə burun və ağız vasitəsilə daxil edirdilər, sonra isə onun daxili ilə daha incə, 2 millimetr kateteri daha dərin tənəffüs yollarına yeridirdilər.
Lakin bu yanaşmada manevr qabiliyyətində məhdudiyyətlər olduğundan və bəzi yerlərin əlçatmaz qaldığını nəzərə alaraq, Lids Universitetinin alimləri daha elastik və insanın daxilində daha asan idarə etməyin mümkün olduğu qurğunu hazırlamaq qərarına gəliblər. Nəticədə bir-birinə birləşmiş yumşaq elastomerdən olan silindrik seqmentlərdən ibarət, kiçik maqnit hissəcikləri quraşdırılmış robot ərsəyə gəlib.
"Robot ağciyərlərin böyük bir qisminə çata bilər və ağciyərlərin xərçəngi və başqa xəstəliklərinin müalicəsində və tədqiqatında əhəmiyyətli kliniki alət ola bilər", - deyə tədqiqata rəhbərlik etmiş professor Petro Valdastri bildirib.