Estoniyada koronavirusun yayılmasının qarşısını almaq məqsədilə yaradılan “HOİA” mobil əlavəsi 100 min dəfə yüklənib, 22 nəfər tətbiqdə özünü xəstə kimi qeyd edib.

Aztibb.az bu ölkənin mətbuatına istinadla xəbər verir ki, bu barədə məlumatı Estoniya Sağlamlıq və Rifah Məlumat Sistemləri Mərkəzi yayıb.

Mərkəzin rəqəmsal xidmətlər şöbəsinin rəhbəri Tanel Tera mobil tətbiqin yüklənməsinin mümkün olduğu gündən bu yana artıq ard-arda üçüncü həftədir ki, Estoniyada ən çox yüklənən mobil əlavə olduğunu söyləyib.

“Əlbəttə, burada əsas rolu müxtəlif irimiqyaslı idman tədbirləri, festivallar oynayıb və daha təhlükəsiz vizit üçün daha çox insan HOİA tətbiqetməsini yükləyir”, – deyə T. Tera qeyd edib.