Dünya üzrə tibb müəssisələrinin 73%-i köhnəlmiş əməliyyat sisteminə malik cihazlardan istifadə edir.
Aztibb.az-ın "APA-Economics"ə istinadən məlumatına görə, bu barədə "Kaspersky" şirkətinin araşdırmasında deyilir.
Araşdırma onu göstərib ki, sistem zəiflikləri ucbatından hər ikinci tibb müəssisəsi ya məlumat sızması, ya DDoS hücumları, ya da pul tələb edən proqramlarla qarşılaşıb. Sorğuda iştirak edənlərin yalnız 30%-i əmindir ki, çalışdıqları təşkilat insident baş verməsi halında təcavüzkarlara qarşı effektiv mübarizə apara bilər.
"Kaspersky"nin Azərbaycandakı nümayəndəsi Müşviq Məmmədovun sözlərinə görə, tibb müəssisələrinə hücumlar məlumat sızmasından tutmuş təşkilatlarda baş verən əksər proseslərin dayanmasına kimi müxtəlif nəticələrə səbəb ola bilər: "İstənilən halda onlar təkcə maliyyə itkisi təhdidi yaratmaya bilərlər. Amma əgər "ağıllı" cihazlara – internetə qoşulmuş cihazlar dəstinə sistem yenilənmələri vaxtında quraşdırılarsa, həmçinin əməkdaşların rəqəmsal savadlılığı artırılarsa, riskləri azaltmaq olar".