Alimlər laboratoriyada istifadə edilən səth plazma rezonansı texnologiyasını smartfonlarda tətbiq ediblər.

Aztibb.az xəbər verir ki, alman alimlərinin hazırladığı texnologiya sayəsində smartfonlar vasitəsilə hamiləlik, diabet və zəhərlənmə kimi müxtəlif vəziyyətlər dərhal müəyyən ediləcək.

Almaniya Hannover Universiteti Optik Texnologiyalar Mərkəzinin alimləri əsasən biomolekulyar sahədə istifadə olunan səth plazma rezonans sistemini (SPR - Surface Plasmon Resonance) smartfonlarda tətbiq edib. Elektron texnika olan SPR sistemi optik dəyişmə sayəsində bioloji qarşılıqlı təsirlərin hazırkı zamanda və yüksək doğruluq nisbəti ilə müəyyən edilməsini təmin edir.

Smartfonların kamera və flaşına bağlı və öz fiberoptik sensorları olan prototip telefona yüklənən bir proqramla çalışır və sensordan gələn məlumat dərhal ekranda görülə bilir.

Elm adamları mobil telefonların kamera və flaş işığından istifadə edərək hazırladıqları ilk nümunədə hədəf maddə olan qliserini uğurlu şəkildə aşkar edə biliblər.

Gələcəkdə istifadəçilər smartfonlarına taxacaqları bir modulla özlərinə aid qan, sidik, tüpürcək və tər kimi mayeləri test edə biləcək və bunlarla bağlı məlumatları rəqəmsal olaraq yarada biləcəklər. Riskli hallarda nəticələr dərhal həkimə göndərilə biləcək. Həkim xəstəsi ilə görüşmədən nəticələri araşdırıb diaqnoz qoya biləcək.

Modulun GPS ilə inteqrasiyası təmin edilərək test nəticələrinə əsasən lazım gəldikdə telefon xəstəni ən yaxın aptek və ya xəstəxanaya yönləndirəcək və ya təcili yardım çağıracaq.

Məhsulun satışa çıxarılma tarixi hələ ki məlum deyil. Lakin bu məhsulun ortaya çıxması ilə xəstə müayinə üçün gün təyin etdirmədən bəzi məsələlərdə öz testlərini özü edə biləcək, hətta həkiminə göndərib xəstəxanaya belə getmədən həkiminə dərman yazdıra biləcək.