2021-2022-ci tədris ili üçün tam orta (11 illik) təhsil bazasında orta ixtisas təhsili müəssisələrinin boş qalan yerlərinə qəbulda Naxçıvan Tibb Kollecinə ən yüksək keçid balı dövlət sifarişi əsasında əczaçılıq ixtisasına 118.8 bal olub.

Bu barədə məlumat “Abituriyent” jurnalının xüsusi buraxılışında yer alıb. Bildirilib ki, kollecdə ən aşağı keçid balı isə ödənişli əsaslarla əczaçılıq və müalicə masajı ixtisaslarına 107.0 bal olub.

Qeyd edək ki, 2021-2022-ci tədris ili üçün tam orta (11 illik) təhsil bazasında Naxçıvan Tibb Kollecinin boş qalan plan yerlərinə dövlət sifarişi və ödənişli əsaslarla 4 ixtisas üzrə qəbul aparılıb. Kollecə qəbul, həmçinin dövlət sifarişi əsasında ortopedik stomatologiya və tibb bacısı (qardaşı) işi ixtisaslarına, ödənişli əsaslarla isə əczaçılıq və müalicə masajı ixtisaslarına aparılıb.