Aztibb.az xəbər verir ki, iştirakçısı olduğu konfranslarda və kurslarda xüsusi fəallığı ilə seçilən R.Alpaşayev bu günlərdə daha bir uğura imza atıb.

 

Belə ki, o, Harvard Universitetinin rəsmi saytında hər ay COVID-19 virusunun klinik-profilaktik cəhətdən idarə olunması mövzusunda təşkil edilən beynəlxalq kurslara qatılıb. Qaydaya görə, vebinarların mövzusuna dair final testi keçirilir və 75%-dən yuxarı nəticə əldə edən şəxslər xüsusi sertifikatla təltif olunur. Bu tələblərə cavab verən R.Alpaşayev də hazırda öz aktuallığını qoruyan COVID-19-un səbəb olduğu kardiovaskular (ürək-damar sistemi) komplikasiyalar mövzusunda vebinarın final testindən uğurla keçib və həmin kurs üzrə sertifikata layiq görülüb.