Nüvə Təbabəti Mərkəzinin rəhbəri, tibb üzrə fəlsəfə doktoru Fuad Novruzovun həmmüəllifi olduğu məqalə "European Journal of Hybrid İmaging" jurnalında dərc olunub.
Aztibb.az xəbər verir ki, məqalə Fuad Novruzovun əsasını İngiltərənin "University College London Hospitalında" qoyduğu və mərkəzdə tamamladığı Hipofiz şişlərinin (Cushing xəstəliyi, Prolaktinomalar, Thyrotropinomalar) və Neyroendokrin törəmələrin molekulyar diaqnostika və müalicə menecmentinə həsr olunub.
Məqalədə hipofiz patologiyasından şübhəli bilinən xəstələrdə [68Ga] Ga-DOTA-TATE pozitron emissiya tomoqrafiyası və kompüter tomoqrafiyasının (PET / CT) faydaları araşdırılıb. [68Ga] Ga-DOTA-TATE PET / CT-yə göndərilən hipofiz patologiyasından şübhələnilən iyirmi ardıcıl xəstə üçün (8 kişi, 12 qadın, ortalama yaş 48.2, 14-78 yaş aralığı) kompüter görüntüləri nəzərdən keçirilib.