Tibb Universitetində bronxial astma xəstələri üçün məktəb fəaliyyət göstərir
09.06.2021 15:44
“Astma məktəbi” xəstələrin daha müasir və effektiv müalicə metodlarına keçməsinə kömək olur.
Bronxial astmaya adekvat nəzarət etmək üçün xəstə öz xəstəliyi və müasir dərman terapiyasının imkanları barədə məlumatlı olmalıdır. Aztibb.az xəbər verir ki, Azərbaycan Tibb Universitetinin (ATU) II Uşaq xəstəlikləri kafedrasının nəzdində, Tədris Terapevtik Klinikasında fəaliyyət göstərən “Astma məktəbi” məhz bu məqsədə xidmət edir.
Məktəbdə dərslərin təşkili və aparılmasına məsul olan kafedranın dosenti Tahirə Pənahova bildirib ki, terapiyanın və reabilitasiyanın bütün mərhələlərində təhsil proqramları xüsusi aktuallıq kəsb etdir. Təhsil bronxial astmalı uşaqların kompleks müalicə proqramının zəruri tərkib hissəsidir. Hələ 1997-ci ildə 6 saylı Uşaq Klinik Xəstəxanasının bazasında yaradılmış “Astma məktəbi” “Uşaqlarda bronxial astma” Milli Proqramının müddəalarına, müvafiq metodik tövsiyələrə uyğun olaraq fəaliyyət göstərirdi. 2011-ci ildən isə “Astma məktəbi” ATU-nun Tədris Terapevtik Klinikasında professor Amaliya Əyyubova tərəfindən yaradılıb.
T.Pənahova qeyd edib ki, pediatrik “Astma məktəbi”nin məqsədi bronxial astmalı uşaqların terapiyasının effektivliyinin artırılması və xəstə yeniyetmələrin, eləcə də onların valideynlərinin maarifləndirilməsi yolu ilə xəstəliyin gedişinə nəzarət edilməsidir. Təlim həm stasionarda olanların, həm də ambulator xəstələrin qrupunda keçirilir.
“Astma məktəbi”ndə dərslərin nəzəri hissəsinə anatomiya, nəfəs almanın fiziologiyası, xəstəliyin mahiyyəti, kəskinləşmə simptomları; trigger, risk amilləri, profilaktika metodları, hipoallergen pəhriz və evdə şərait barədə informasiya; tutma baş verdikdə yardım göstərmə taktikası, bronxial astmanın dərman və qeyri-dərman müalicəsi, bazis və simptomatik dərman vasitələri haqqında məlumat mövzuları daxildir. Dərslərin praktik hissəsində isə xəstələrə düzgün inhalyasiya texnikasının, pikfloumetr, speyserdən istifadənin öyrədilməsi, xəstə uşağın və ailəsinin müxtəlif həyati situasiyalarda düzgün davranış taktikasının işlənib hazırlanması nəzərdə tutulub.
Uşaqlar burada tənəffüs gimnastikası elementlərini, simptomlara şəxsən nəzarət etməyi, nəbzi və nəfəs alma tezliyini saymağı öyrənirlər. Dərslər yaş qrupları nəzərə almaqla qurulur və həkimin söhbəti, rol oyunu, uşaqlara suallar verilməsi formasında keçir. Qrup dərslərində valideynlərin də öz problemlərini bölüşmək imkanı olur. Təcrübə mübadiləsi həm xəstələrin, həm də həkimin gələcəkdə faydalı ola biləcək müşahidələrini zənginləşdirir. Məktəbin təcrübəsi Bakı şəhərində bronxial astmadan əziyyət çəkən uşaqlarda bir sıra xüsusiyyətləri aşkar etməyə imkan verib.
Məktəbdə təşkilati-metodik tədbirlərdən bəhs edən Tahirə xanım vurğulayıb ki, bronxial astmanın müalicəsində qeyd olunan çatışmazlıqları aradan qaldırmaq məqsədilə övladları bu xəstəlikdən əziyyət çəkən valideynlər üçün vəsait buraxılıb. Bununla yanaşı, məlumatlandırma səviyyəsi minimum olan poliklinikalarda sahə pediatrları üçün müvafiq terapiyanın müasir aspektləri haqqında müntəzəm mühazirələr təşkil edilir.
Adətən təlim kursundan sonra xəstələrin qəbul etdiyi dərman vasitələrinin spektri dəyişir. Belə ki, “Astma məktəbi” xəstələrin daha müasir və effektiv müalicə metodlarına keçməsinə kömək olur, uşaq olan yerdə siqaret çəkilməsi məhdudlaşdırılır, tənəffüs gimnastikasından daha tez-tez istifadə edilir.
Beləliklə, ilkin profilaktika və ardıcıllıq xəstəliyin fəsadlarını azaltmağa, vaxtında diaqnoz qoyub müalicə aparmağa imkan verir. Vahid mərkəzin köməyi ilə astmaya daha uğurla nəzarət olunur ki, bu da allergik xəstəliyi olan uşaqların həyat keyfiyyətini xeyli artırır.
Bu bölməyə aid digər xəbərlər
ATU-da "Tədqiqatın dizaynı" adlı silsilə seminarlara start verilib
26.04.2024 | 14:23
Tələbələr sərbəst işlərin tərtibinə dair məlumatlandırıllb
26.04.2024 | 11:19
Mingəçevir Tibb Kollecinin tələbələri ilə "Könüllü TƏBİB" layihəsi çərçivəsində görüş olub
25.04.2024 | 11:12
Moskva Dövlət Beynəlxalq Əlaqələr Universiteti tələbə qəbulu elan edir
18.04.2024 | 12:21
Türkiyənin İstanbul Universitetinin rektoru ATU-da olub
17.04.2024 | 16:42
ATU əməkdaşları Fəxri fərmanla təltif olunublar
17.04.2024 | 15:15
Molekulyar Biologiya və Biotexnologiyalar İnstitutu doktorantura və dissertanturaya qəbul elan edir
17.04.2024 | 09:34
Fiziologiya İnstitutu fəlsəfə doktoru və elmlər doktoru hazırlığı üzrə doktoranturaya və dissertanturaya qəbul elan edir
16.04.2024 | 16:48
Biofizika İnstitutu 2024-cü il üçün doktorantura və dissertanturaya qəbul elan edir
15.04.2024 | 17:42
Antibakterial terapiya kursundan sonra milroflarının bərpası məcburidir
12.04.2024 | 11:02
ÇOX OXUNANLAR
Gənc həkim Samux Rayon Mərkəzi Xəstəxanasında işə başlayıb
18.04.2024 | 13:04
Xalq yazıçısı Çingiz Abdullayev Mərkəzi Gömrük Hospitaldan evə buraxılıb
17.04.2024 | 17:00
Tibb üzrə fəlsəfə doktoru Yazgül Abdıyevanı 50 illik yubileyi münasibətilə təbrik edirik!
17.04.2024 | 15:43
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
19.04.2024 | 10:14
İcbari Tibbi Sığorta üzrə Dövlət Agentliyi İctimaiyyətlə əlaqələr şöbəsinə işçi axtarılır
17.04.2024 | 10:14
Gözlərə nur bəxş edən fədakar həkim
19.04.2024 | 10:29
Kardioloq Fikrət Sadıqzadə ürək çatışmazlığından vəfat edib
22.04.2024 | 09:45
TƏBİB Daxili nəzarət və monitorinq departamentinin Monitorinq şöbəsinə işçi axtarır
18.04.2024 | 11:23
Dünya liderlərini bir araya gətirən "UNITED MEDICAL TOURISM EXPO" sərgisi yaxınlaşır
18.04.2024 | 19:50
Ümumdünya Hemofiliya Günü ilə əlaqədar Dövlət Tibbi-Sosial Ekspertiza və Reabilitasiya Agentliyində qanvermə aksiyası keçirilib
17.04.2024 | 15:59
Həddindən artıq su qəbulu beyin şişməsinə səbəb ola bilər
23.04.2024 | 07:58
Anestezioloq-reanimatoloq Sevda Hüseynova- “Həkimlərimizi tanıyaq!” rubrikası
18.04.2024 | 17:11
Quba rayonunun Hacı-Hüseyinli kənd sakinləri tibbi müayinədən keçiblər
17.04.2024 | 13:44
"Həkimlərimizi tanıyaq!" rubrikası təqdim edir: Terapevt Risalə Həsənova
17.04.2024 | 17:08
Təcili tibbi yardım briqadasının vaxtında yardımı nəticəsində xəstə boğulma vəziyyətindən çıxarılıb
18.04.2024 | 12:33