Bədənin ağrı vaxtları xəstəliklər haqqında ipucları verə bilər.

Aztibb.az xəbər verir ki, mütəxəssislər bununla bağlı dəqiq diaqnozun orqanizimdə xroniki ağrılar olduğu təqdirdə verilə biləcəyini söyləyiblər.

Sinir sistemi ən çox və ən tez bədən ağrılarına reaksiya verir. Bu baxımdan ağrı vaxtları xəstəliyin növünü təyin etməyə imkan yaradır.

Miqren ağrısı gün ərzində ortaya çıxır 

Tədqiqatçılar bəzi ağrıların müəyyən saatlarda deyil, gün ərzində müşahidə ilə ortaya çıxdığını bildiriblər. Məsələn miqren ağrıları 4-72 saat davam edir. Yaxud gecə saatlarında boyundan qola doğru yayılan ağrı hiss olunur və ya ağır bir iş gördükdə həmin nahiyələrdə daha çox keyimə hiss edilir. Bu bir boyun yırtığının əlamətləri ola bilər. 

“Ağrının başlama vaxtı xəstəliyin mənbəyi haqqında məlumat verir. Əgər problem mexaniki səbəblərə görədirsə və sümüklərlə bağlı ağrıdırsa bu hərəkət əsnasında ortaya çıxır. Sinir ağrılarısa insanı istirahət saatlarında və uzun müddət hərəkətsizlik zamanı narahat edir” , – deyə mütəxəssislər bildirib.

Ağrıya təkcə viruslar səbəb olmur 

Tədqiqatçılar ağrı saatlarında xroniki ağrını koronavirus simptomlarından ayırmaq üçün də təlimat veriblər.  Mütəxəssislər həmçinin bütün ağrıların virusdan qaynaqlanmadığını bildirirlər. Doğru diaqnoz üçün ağrı vaxtlarını izləməyi tövsiyə edirlər.