Ağızdakı dad reseptorları insanın sağ qalmasında əsas rol oynayır. Onlar insana hansı məhsulların faydalı maddələrlə daha zəngin, hansıların zəhərli olduğu ilə bağlı qərar qəbul etməyə kömək edir. Yaxın zamana qədər dad hüceyrələrinin üç növü haqqında məlumat var idi: birincilər dəstəkləyici hüceyrələr rolunda çıxış edir, ikinci acı, şirin və zülal tərkibli dadları, üçüncü isə turş və duzlunu müəyyən edir.
Aztibb.az meddaily.ru-ya istinadla xəbər verir ki, Buffalo Universitetinin alimləri ağız boşluğunda bir çox funksiyanı yerinə yetirən yeni dad hüceyrə-reseptorları tapıblar. Ayrı-ayrı dadları tanıyan məlum reseptorlardan fərqli olaraq bu hüceyrələr eyni zamanda turş, şirin, acı və zülallı məhsulların dadını müəyyən edir.
Alimlər gəmiricilərin nümunəsində dad reseptorları ilə bağlı siqnal yollarını tədqiq ediblər. Bu analiz ekspertləri üçüncü qrupdan olan hüceyrələrin yeni altnövünə gətirib çıxarıb. Bu altnövün hüceyrələri eyni zamanda bir çox dada reaksiya verir. Bununla yanaşı, bu hüceyrələr vasitəsilə turş dad haqqında informasiya beyinə bir yol ilə, şirin, acı və zülallı məhsullar haqqında məlumat isə başqa yol vasitəsilə ötürülür.