İcbari Tibbi Sığorta üzrə Dövlət Agentliyinin Çağrı mərkəzinə vakant vəzifənin tutulması üçün müsabiqə elan edilir.

Aztibb.az xəbər verir ki, vəzifə öhdəliklərində aşağıdakı məlumatlar yer alıb:

Çağrı mərkəzi əməkdaşlarının faydalı iş əmsalını artırmaq üçün iş yükünün proqnozlaşdırılması və hədəflərin müəyyənləşdirilməsi;

Çağrı mərkəzinin qrupları arasında işçi qüvvəsinin bölgüsünun aparılması;

Təmsilçilərin (operatorların) zəng planına nəzarət edilməsi;

Zənglərin idarə olunması və digər əməliyyatlara nəzarət edilməsi və onların inkişaf etdirilməsi;

Əsas fəaliyyət göstəricilərinin tətbiq və təhlil edilməsi, o cümlədən fəaliyyətin və təmsilçilərin (operatorların) monitorinqinin həyata keçirilməsi;

Statistik məlumatların toplanması, təhlil edilməsi və dövri hesabatların hazırlanması;

Operativ və yüksək xidmət standartlarının təmin edilməsi məqsədilə əməkdaşların daxili təliminin təşkil edilməsi;

Xidməti zərurətlə əlaqədar Agentliyin çağrı mərkəzinin dövlət qurumlarının çağrı mərkəzləri ilə əlaqələndirilməsi;

Agentliyin çağrı mərkəzində xidmətin daha səmərəli təşkili istiqamətində digər zəruri funksiyaların həyata keçirilməsi;

Agentliyin daxili intizam və etik davranış qaydalarına riayət edilməsi.

Vəzifə üçün tələblər:

Ali təhsil;

CRM tipli sistemlərlə minimum 2 il iş təcrübəsi;

Qurumlar və vətəndaşlar ilə peşəkar ünsiyyət qabiliyyəti;

Problemləri həll etmək, analitik düşünmə bacarığı;

Dinamik və yeniliklərə açıq;

Məsuliyyətli, peşəkar, tələbkar, təşəbbüskar olmaq, əməkdaşlar qarşısında vəzifələri düzgün qoymaq bacarığı və qərar qəbul etmək qabiliyyəti;

Operativlik və gərgin iş rejimində işləmə bacarığı;

Dövlət qurumlarının çağrı mərkəzində iş təcrübəsi üstünlükdür;

Azərbaycan dilində səlis yazı və danışıq bacarığı (rus və ingilis dili arzuolunandır);

MS Office, çağrı mərkəzi avadanlıqları və proqramlarında sərbəst işləmək bacarığı;

Çağrı mərkəzində müvafiq sahədə minimum 3 il iş təcrübəsi.

Bu vakansiyanın 19 may tarixinə qədər qüvvədə olacağı qeyd edilib.

Müraciət etmək istəyən şəxslər CV-lərini 19 may 2021-ci il tarixinədək [email protected] e-mail ünvanına göndərə bilərlər.

Qeyd edək ki, yalnız seçilmiş namizədlərlə əlaqə saxlanılacaqdır.