Azərbaycan Tibb Universiteti Tələbə Gənclər Təşkilatı “Rezidenturaya Birlikdə Hazırlaşaq” layihəsinə start verib. Layihə çərçivəsində rezidenturaya hazırlaşan tələbə və məzunların hazırlıq prosesinə dəstək məqsədilə müvafiq fənlər üzrə ekspertlərin tələbələrlə onlayn görüşləri təşkil olunur.

İlk onlayn görüş-vebinar "Normal fiziologiya" fənni üzrə "Zoom" platforması üzərindən həyata keçirilib. Normal fiziologiya kafedrasının dosenti Aqil Əliyev fənn üzrə imtahana hazırlığa dair tövsiyələrini verib və iştirakçılar tərəfindən ünvanlanan sualları cavablandırıb. Təşkilatın ""Facebook" səhifəsində canlı yayımlanan vebinardan ümumilikdə 250-dən çox tələbə və məzun yararlanıb.

Məlumat üçün qeyd edək ki, ekspert müəllimlər tələbələrin ümumi rəyinə əsasən müəyyən olunub.