17 aprel - Dünya Hemofiliya Gününə həsr olunmuş beynəlxalq KONFRANS keçiriləcək
15.04.2021 16:43

Hemofiliyalı Xəstələrin Respublika Assosiasiyası 1999-cu ildən etibarən 17 Aprel - Dünya Hemofiliya Gününü yüksək səviyyədə qeyd edir və ətrafına aidiyyəti dövlət və ictimai qurumları, eləcə də KİV-ləri cəlb edir.

Aztibb.az xəbər verir ki, bu il də Dünya Hemofiliya Günündə Assosiasiya İcbari Tibbi Sığorta üzrə Dövlət Agentliyi, TƏBİB və Milli Hematologiya və Transfuziologiya Mərkəzi ilə birgə “Dəyişikliyə adaptasiya və yeni dünyada yardımın dayanıqlı təminatı” şüarı altında beynəlxalq konfrans keçirəcək.

 

Konfransda qanda hemofiliya və digər laxtalanma pozğunluqlarından əziyyət çəkən vətəndaşların mövcud durumu, beynəlxalq təcrübə, yeni müalicə üsulları haqqında çıxışlar planlaşdırılır.

 

Qeyd edək ki, Dünya Hemofiliya Federasiyası tərəfindən təsis edilən 17 Aprel - Dünya Hemofiliya Günü dünyanın 120-dən çox ölkəsində vətəndaş cəmiyyəti və dövlət qurumları ilə birgə qeyd olunur.