2021-ci ilin may ayında ümummilli lider Heydər Əliyevin anadan olmasının 98-ci ildönümünə həsr olunan Azərbaycan Tibb Universiteti rezidentlərinin 9-cu Elmi-Təcrübi Konfransı (ATUREK-9) keçiriləcək.

 

Aztibb.az xəbər verir ki, konfransda təbabətin aktual problemlərinə dair məruzələr dinləniləcək. Rezidentlər tibbin 57 ixtisas üzrə, magistrlar isə əczaçılığın 7 ixtisası üzrə müxtəlif sahələrini əhatə edən müasir bilikləri müzakirə edəcəklər.

 

Konfransın təşkilat komitəsi ölkə rezidentlərini tədbirdə iştirak etməyə, topluda elmi araşdırmalarının nəticələrini (tezisləri) dərc etməyə dəvət edir. Konfransın materialları toplu şəklində dərc olunacaqdır.

 

Bütün iştirakçılara konfransın yekununda iştirakçı sertifikatı veriləcəkdir. Ən yaxşı elmi tədqiqat işləri məqalə şəklində çap üçün seçiləcək və müvafiq elmi işlərin rəhbərlərinə diplomlar veriləcəkdir.

 

 

- 300 sözdən çox olmayan həcmdə (başlıq istisna olmaqla);

 

- Times New Roman 14 (AZ) şriftində;

 

-  Azərbaycan, rus və ya ingilis dilllərində;

 

 

- Tezisin başlığı, müəllifləri və işin rəhbəri, tezis müəlliflərinin çalışdığı müəssisə;

 

- Açar sözlər;

 

- Giriş;

 

- Tədqiqatın məqsədi;

 

- Material və metodlar;

 

- Nəticələr (bu bölmədə ½ səhifədən böyük olmayan cədvəl və ya şəkil verilə bilər).

 

Tezislər 30.04.2021-ci il tarixinə qədər Azərbaycan Tibb Universitetinin Rezidentura və magistratura şöbəsinə (saat 9:30-dan 15:00-dək) təqdim edilməlidir.

 

Əlaqə nömrəsi: (+994 12) 597 44 83

 

Email: rezidenturaamu@gmail.com