AMEA Genetik Ehtiyatlar İnstitutunun Elmi Şurasının qərarı ilə “Molekulyar genetika” adlı dərs vəsaiti çap olunub.

Kitabın müəllifləri biologiya elmləri doktoru, professor Ramiz Əliyev, biologiya üzrə fəlsəfə doktoru, dosent Mehrac Abbasov və biologiya üzrə fəlsəfə doktoru Validə Rəhimlidir.

Dərs vəsaitində molekulyar genetikanın yaranma tarixi, prokariot və eukariotlarda genomun təşkili, DNT-nin replikasiyası, transkripsiya, translyasiya, eukariotlarda RNT sintezi və prosessinq, sitoplazmatik irsiyyət, gen mutasiyaları və onların reparasiyası, gen ekspressiyasının tənzimlənməsi və s. kimi fundamental problemlər barədə məlumat verilir. Nəşrdə, həmçinin gen mühəndisliyi, biotexnologiya və insan genomu haqqında da ümumi məlumat yer alıb.