"Həkimlərimizi tanıyaq!" rubrikası: Tibb üzrə fəlsəfə doktoru Səbuhi Dadaşov
20.11.2026 14:42

“Həkimlərimizi tanıyaq!” rubrikamızda Mərkəzi Gömrük Hospitalının yüksəkixtisaslı həkimi, damar cərrahı, tibb üzrə fəlsəfə doktoru Səbuhi Dadaşovu təqdim edirik.

 

O, Mərkəzi Gömrük Hospitalında arterial, venoz və limfatik sistem xəstəliklərinin müasir cərrahi və konservativ müalicəsini, abdominal aorta və periferik arteriyaların anevrizmalarının cərrahi müalicəsi, aorta-bifemoral şuntlama, periferik arteriyaların autovenoz və ya süni damarlarla şuntlanması, karotid endarterektomiya və arterioplastika, endarterektomiya, trombembolektomiya, eləcə də müxtəlif fleboloji prosedurlar həyata keçirir.

 

Səbuhi Dadaşov tərəfindən həyata keçirilən fleboloji müdaxilələr sırasına klassik flebektomiya, endovenoz ablasiya, miniflebektomiya, skleroterapiya, köpük skleroterapiya və Exo-skleroterapiya daxildir.

Peşəkar fəaliyyətin əsasında zəngin tibbi təhsil və təcrübə

Səbuhi Dadaşov 2007-ci ildə Azərbaycan Tibb Universitetinin Müalicə-profilaktika fakültəsini fərqlənmə diplomu ilə bitirib. 2007–2009-cu illərdə İ.M. Seçenov adına Moskva Tibb Akademiyasında klinik ordinatura təhsili alaraq həkim-ordinator kimi fəaliyyət göstərib.

 

2009–2012-ci illərdə İ.M. Seçenov adına Birinci Moskva Dövlət Tibb Universitetində aspirantura təhsilini davam etdirib. Təhsilini “2007–2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində davam etdirən həkim həmin universitetin 1 nömrəli Universitet Klinik Xəstəxanasında həkim-aspirant kimi də çalışıb.

 

2013-cü ildən etibarən Səbuhi Dadaşov Mərkəzi Gömrük Hospitalında damar cərrahı kimi fəaliyyət göstərir. Bu müddət ərzində damar cərrahiyyəsi sahəsində peşəkar fəaliyyətini davam etdirərək pasiyentlərin arterial, venoz və limfatik sistem xəstəliklərinin müayinə və müalicəsində iştirak edir.

 

Elmi fəaliyyət və peşəkar ixtisaslaşma

DSəbuhi Dadaşovun peşəkar fəaliyyətində elmi araşdırmalar da mühüm yer tutur. O, 2012-ci ildə “Daxili yuxu arteriyasının patoloji deformasiyasının cərrahi müalicə taktikası” mövzusunda dissertasiya işini müdafiə edərək tibb elmləri namizədi elmi dərəcəsini alıb. 2015-ci ildə isə Azərbaycan Respublikasının Prezidenti yanında Ali Attestasiya Komissiyasının qərarı ilə tibb üzrə fəlsəfə doktoru elmi dərəcəsinə layiq görülüb. Onun elmi və klinik fəaliyyəti damar xəstəliklərinin cərrahi müalicəsi istiqamətində ixtisaslaşmasının və peşəkar inkişafının mühüm göstəricisidir.

 

Nərgiz Qəhramanova
Müəllifin digər yazıları
ÇOX OXUNANLAR
 Mərkəzi Gömrük Hospitalının patomorfoloqları 35-ci Milli Patologiya Konqresində iştirak ediblər   
Alimlər həyatın heç vaxt mövcud olmadığı Yer kürəsinin necə görünəcəyini modelləşdiriblər
Ürəyin işemik xəstəliyi diaqnozu ilə müraciət edən pasiyent üzərində AKŞ əməliyyatı uğurla icra olunub - Tədris Cərrahiyyə Klinikası
1-ci tip diabetin inkişafını gecikdirən dərman ilk dəfə xəstəyə tətbiq edilib
Rəşad Şolanın yeni cərrahi metodu beynəlxalq konqresdə qalib seçilib
 Mərkəzi Gömrük Hospitalının şöbə rəisi “Certificate of Merit” Fəxri Xidmət Sertifikatı ilə təltif olunub   
Ağdərə rayonunun Suqovuşan qəsəbəsində tibbi aksiya: 10 nəfərə zəruri xidmətlər göstərilib
 Cəbrayıl RMX-da mövsümi qripə qarşı vaksinasiya prosesinə başlanılıb   
Rəşad Şolanın ixtirası dünyada birinci oldu
Huawei diabetə nəzarət üçün yeni davamlı qlükoza monitorinq sistemini təqdim edib
Şirvan ŞMX-da ağır əl travması alan pasiyent üzərində uğurlu əməliyyat icra olunub
45 dəqiqəlik mübarizə, bir ömrə verilən ikinci şans – Həkimlər pasiyenti həyata qaytardılar
 Azərbaycan Tibb Universiteti kafedralar üzrə vakant yerlərə müsabiqə elan edib   
Vətəndaşlar üçün tibbi xidmətlərin keyfiyyətinin qiymətləndirilməsi imkanı yaradılıb  
8 yaşlı pasiyent üzərində mürəkkəb rekonstruktiv əməliyyat icra olunub