Universitetdən Aztibb.az-a verilən xəbərə görə, simpozium uşaqlarda anorektal malformasiyaların diaqnostikası, cərrahi müalicəsi və uzunmüddətli müalicə nəticələrinin yaxşılaşdırılması istiqamətində müasir elmi nailiyyətlərin, beynəlxalq təcrübənin və qabaqcıl klinik yanaşmaların müzakirəsi məqsədi daşıyır.

 

Tədbir çərçivəsində uşaq cərrahiyyəsi və tibbin digər əlaqəli sahələrində fəaliyyət göstərən yerli və dəvət olunmuş mütəxəssislər son elmi yeniliklər, müasir müalicə metodları və klinik təcrübələri barədə məruzələrlə çıxış edəcəklər.

 

Simpoziumun əsas vəzifələri sırasında Azərbaycanda uşaq cərrahiyyəsinin tarixi inkişafı, mövcud vəziyyəti və gələcək perspektivləri barədə iştirakçıların məlumatlandırılması, onların elmi və praktiki biliklərinin artırılması, müasir diaqnostik və cərrahi yanaşmaların tətbiqinin təşviqi xüsusi yer tutur.

 

Bundan əlavə, müalicə nəticələrinin yaxşılaşdırılması, pasiyentlərin həyat keyfiyyətinin yüksəldilməsi və müxtəlif ixtisaslar üzrə mütəxəssislər arasında multidissiplinar əməkdaşlığın gücləndirilməsi də tədbirin prioritet istiqamətlərindəndir.

 

Qeyd edək ki, simpozium uşaq cərrahiyyəsi, cərrahiyyə, urologiya, pediatriya, ginekologiya, neonatologiya, genetika, neyrocərrahiyyə və reabilitasiya ixtisasları üzrə Səhiyyə Nazirliyində akkreditasiyadan keçib. Tədbir iştirakçıları üçün 9 Davamlı Tibbi Təhsil (DTT) krediti təsdiq edilib.

 

Tədbirin keçiriləcəyi məkan: Azərbaycan Tibb Universitetinin Tədris Cərrahiyyə Klinikası, AKT zalı, -1-ci mərtəbə.

 

Qeydiyyat linki: https://docs.google.com/.../1FAIpQLSeSkuC59M.../viewform...

 

Əlaqə üçün: +994558784680 (Xatirə Rəhimova)

Proqram və daha ətraflı: https://amu.edu.az/.../atu-da-usaqlarda-anorektal...