ATU-nun Üz çənə cərrahlığı kafedrasının müdiri, Tədris Cərrahiyyə Klinikasının üz çənə cərrahı, professor Çingiz Rəhimov xəstənin çənəsində zədələnmiş sümük toxumasının rezeksiyasını icra edib.

Klinikadan Aztibb.az-a bildirilib ki, əməliyyat zamanı titan lövhə ilə rekonstruksiya aparılıb.

Cərrahi müdaxilənin əsas məqsədi infeksiyanın nəzarətə alınması və çənənin funksiyasının qorunması olub.

Qeyd edək ki, böyrək xərçəngi səbəbindən böyrəyi çıxarılan və sümük metastazlarına görə kimyaterapiya və zoledron turşusu ilə müalicə alan xəstədə dental implant ətrafında çənə sümüyünün osteonekrozu inkişaf edib. Zədələnmə son bir il ərzində çənənin böyük hissəsinə yayılıb.