Görkəmli uşaq cərrahı, Əməkdar həkim, tibb elmləri doktoru, professor Çingiz Quliyevin “Həyatımın illəri və izləri” kitabı çapdan çıxıb.
Nəşrdə professor Çingiz Quliyevin həyatı, pedaqoji, elmi, cərrahi, ictimai və xeyriyyəçilik fəaliyyətindən bəhs olunmaqla yanaşı, elmi işlərinin, dərslik, dərs vəsaiti və proqramlarının, monoqrafiyalarının, müəllifi olduğu tədris-metodik vasitələrin, ixtiralarının və səmərələşdirici təkliflərinin, eləcə də elmi araşdırmalarının nəticələrinə həsr olunmuş məqalə və tezislərinin və s. siyahısı xronoloji ardıcıllıqla verilib.
“Həyatımın illəri və izləri” xatirə-memuarı tanınmış cərrahın tibbi, elmi-pedaqoji fəaliyyəti haqqında geniş təsəvvür yaradır.
Kitabın redaktoru Azərbaycan Tibb Universitetinin Uşaq cərrahlığı kafedrasının müdiri, tibb elmləri doktoru Ramiz Poluxovdur.
