Respublika Pediatriya Mərkəzinin tabeliyində fəaliyyət göstərən Yasamal Uşaq Klinik Xəstəxanası və Ə.F.Qarayev adına Uşaq Klinik Xəstəxanasında uşaq evlərində yaşayan uşaqlar üçün mütəmadi tibbi müayinələr keçirilir.

 

TƏBİB-dən Aztibb.az-a bildirilib ki, növbəti müayinələr zamanı uşaqlar müxtəlif ixtisaslı həkimlər tərəfindən müayinə olunub, sağlamlıq vəziyyətləri qiymətləndirilib və zəruri müayinələr aparılıb.

 

Müayinələrin nəticələrinə əsasən, sonrakı tibbi müşahidə ilə bağlı müvafiq tövsiyələr verilib.

 

Müayinələrin keçirilməsində əsas məqsəd uşaqların sağlamlıq vəziyyətini mütəmadi nəzarətdə saxlamaq, mümkün sağlamlıq ehtiyaclarını vaxtında müəyyənləşdirmək və zəruri tibbi yardımı təmin etməkdir.