Azərbaycan Tibb Universitetinin (ATU) əcnəbi və vətəndaşlığı olmayan şəxslərin rezidentura və magistratura təhsil səviyyələrinə qəbulu üzrə müvafiq Komissiyası tərəfindən 2026/2027-ci tədris ili üçün qəbul prosesi çərçivəsində Azərbaycan dili imtahanı və müsahibə mərhələsi keçirilib.
Bu barədə Aztibb.az-a ATU-dan xəbər verilib.
Bildirilib ki, prosedura uyğun olaraq, 18 sentyabr 2026-cı il tarixində Azərbaycan dili imtahanı, 23 və 24 sentyabr tarixlərində isə müsahibə mərhələsi təşkil olunub.
2026/2027-ci tədris ili üzrə qəbul üçün ümumilikdə 47 nəfər müraciət edib. Təqdim olunan sənədlərin yoxlanılması nəticəsində 36 namizədin müraciəti qəbul edilib, onlardan 31 nəfər müsahibə mərhələsinə buraxılıb. Müsahibəyə buraxılan namizədlərdən 29 nəfər mərhələdə iştirak edib.
Keçirilmiş müsahibənin nəticələrinə əsasən, 20 nəfərin Azərbaycan Tibb Universitetinə qəbul olunması barədə qərar qəbul edilib. Qəbul olunan namizədlər arasında 1 nəfər magistratura təhsil səviyyəsi üzrə yer alıb.
Beləliklə, 2026/2027-ci tədris ili üzrə əcnəbi və vətəndaşlığı olmayan şəxslərin Azərbaycan Tibb Universitetinin rezidentura və magistratura təhsil səviyyələrinə qəbul prosesi növbəti mərhələ ilə uğurla yekunlaşıb.
