Süni intellekt modelləri zəhərli göbələkləri yeməli növlərlə tez-tez səhv sala bilir.

Aztibb.az xəbər verir ki, tədqiqatçı neyron şəbəkələrin göbələk yığımı zamanı nə dərəcədə etibarlı olduğunu yoxlamaq üçün min qırx göbələk fotosunu on səkkiz məşhur süni intellekt modelində sınaqdan keçirib. Nəticələr isə kifayət qədər narahatedici olub.

Ən yaxşı nəticəni “Cemini 3.8 Flash” göstərib. Model ilk cəhddə göbələkləri cəmi 65 faiz dəqiqliklə düzgün müəyyən edə bilib.

Həyat üçün potensial təhlükəli səhvlər zamanı isə nəticələr daha ciddi olub. Neyron şəbəkələr zəhərli göbələkləri orta hesabla 11 faiz hallarda yeməli kimi qiymətləndirib.

Bəzi modellərdə bu göstərici daha da yüksək olub. “GPT-5.6 Sol” zəhərli göbələklərin 24 faizini, “Claude Opus 5” — 29 faizini, “Qwen3.8-27B” isə 36 faizini yeməli hesab edib.

Mütəxəssislər şübhəli göbələkləri müəyyənləşdirmək üçün süni intellektə güvənməyi məsləhət görmürlər. Göbələk mövsümündə yalnız etibarlı mənbələrə, yoxlanılmış biliklərə və təcrübəli mütəxəssislərin rəyinə əsaslanmaq tövsiyə olunur.

Çünki bir göbələyi səhv tanımaq sadəcə yanlış cavab deyil - həyat üçün təhlükə yarada bilər.