Beyin fəaliyyətini stimullaşdırmağın ən yaxşı üsulu digər insanlarla ünsiyyətdə olmaqdır.

Aztibb.az xəbər verir ki, nunu nevroloq Duqlas Şarre “New York Post” qəzetinə açıqlamasında bildirib.

Ohayo Ştat Tibb Kollecində çalışan həkim qeyd edib ki, insan söhbət zamanı eyni anda bir neçə koqnitiv proses həyata keçirir: qarşı tərəfi dinləyir və verilən məlumatı emal edir, hər hansı hadisəni danışmaq üçün yaddaşına müraciət edir, həmçinin həmsöhbətinin üz ifadəsinə baxaraq onun reaksiyasını müəyyənləşdirir.

“Belə vəziyyətdə beyniniz aktiv şəkildə işləyir”, – deyə Şarre vurğulayıb.

Nevroloq bildirib ki, beyin fəaliyyətini stimullaşdıran və geniş yayılmış digər üsullar – kitab oxumaq, yeni dillər öyrənmək, yaradıcılıq və idmanla məşğul olmaq, krossvord həll etmək də bu baxımdan olduqca faydalıdır.

Bunun əksinə, mütəxəssis beynin passiv stimullaşdırılmasından, o cümlədən televizora uzun müddət baxmaqdan və sosial şəbəkələrdə lentləri məqsədsiz şəkildə vərəqləməkdən çəkinməyi tövsiyə edib.

Bir sıra həkimlərin fikrincə, bu cür fəaliyyətlər əksinə, beyinə mənfi təsir göstərə bilər. Çünki passiv istehlak beynin sağlamlığını qorumaq üçün zəruri olan koqnitiv fəaliyyəti məhdudlaşdırır.