Tədqiqatçıların illər öncə insan orqanizminin özünü necə qoruduğunu və immunitet sisteminin bədənin sağlam toxumalarına hücum etməsinin qarşısını necə aldığına dair elmi araşdırmaları artıq böyük nəticələr verməkdədir.

Aztibb.az "Mech.eng.world"ə istinadən yazır ki, bu kəşf artıq xərçəngin müasir müalicəsində böyük dönüş yaradıb. İndi isə həmin elmi tapıntı orqanizmin öz-özünə zərər vurduğu revmatizm (oynaq iltihabı), qırmızı qurd eşənəyi və dağınıq skleroz kimi ağır xroniki xəstəliklərin yeni üsullarla müalicəsi üçün möhkəm bünövrə formalaşdırır.

Hazırda dünyada təxminən hər 10 nəfərdən biri bu cür immun xəstəliklərindən əziyyət çəkir. Kəşf sayəsində orqanizmin infeksiyalara qarşı təbii müdafiəsini zəiflətmədən, yalnız həddindən artıq coşmuş immunitet reaksiyasını nöqtəvi şəkildə sakitləşdirmək mümkün olacaq.

İmmunitet sistemini idarə edən bioloji "əyləc" mexanizminin üzə çıxarılması həm onkoloji, həm də xroniki immun pozuntuları ilə mübarizədə yeni qapılar açır və milyonlarla pasiyent üçün sağalma ümidi yaradır.