Şərur rayonunun “Maxta Kənd Tibb Məntəqəsi”ndə “Şərur Regional Tibb Mərkəzi” PHŞ-nin ixtisaslı həkim briqadası tərəfindən tibbi müayinə aksiyası təşkil edilib.
Naxçıvan Muxtar Respublikası Səhiyyə Nazirliyindən Aztibb.az-a verilən məlumata görə, nazirliyin təşkilatçılığı ilə keçirilən aksiya çərçivəsində sakinlər müxtəlif ixtisaslar üzrə tibbi müayinələrdən keçirilib. Belə ki, 7 nəfər ginekoloji, 5 nəfər pediatrik, 11 nəfər LOR, 9 nəfər USM, 3 nəfər dəri-zöhrəvi və 10 nəfər terapevtik müayinədən keçib.
Ümumilikdə 45 tibbi müayinə aparılıb.
Aksiya əhalinin tibbi xidmətlərə əlçatanlığının artırılması, xəstəliklərin erkən aşkarlanması və sağlamlıq vəziyyətinin qiymətləndirilməsi məqsədilə həyata keçirilib.
Əhalinin sağlamlığının qorunması, tibbi xidmətlərin keyfiyyətinin və əlçatanlığının artırılması istiqamətində tədbirlər bundan sonra da davam etdiriləcək.
