Mərkəzdən Aztibb.az-a verilən xəbərə görə, əməliyyat ümumi cərrah, laparoskopist Ramil Quliyev, cərrah mama-ginekoloq Ramilə Abbaszadə və anestezioloq Xalid Hüseynlinin iştirakı və nəzarəti ilə beynəlxalq tibbi standartlara uyğun şəkildə icra olunub. Əməliyyatın bütün mərhələlərində həm ananın, həm də dölün təhlükəsizliyi əsas prioritet olaraq qorunub.

 

Əməliyyatdan sonra pasiyentin vəziyyəti həkim-radioloq İradə Həsənova tərəfindən aparılan ultrasəs (USM) müayinəsi ilə qiymətləndirilib. Müayinə nəticəsində həm ananın, həm də dölün sağlamlıq vəziyyətinin qənaətbəxş olduğu təsdiqlənib və postoperativ dövr nəzarət altında uğurla davam etdirilib.

 

Hamiləlik dövründə cərrahi müdaxilələr xüsusi yanaşma və yüksək peşəkarlıq tələb edir. Dəqiq diaqnostika, düzgün planlaşdırma və müxtəlif ixtisaslı həkimlərin koordinasiyalı fəaliyyəti sayəsində əməliyyat uğurla tamamlanıb.