Monqolustanın Milli Zoonoz Xəstəliklər Mərkəzi ölkə ərazisində bubonik vəba (taun) virusunun yayılma təhlükəsi ilə bağlı xəbərdarlıq yayıb.

Aztibb.az xəbər verir ki, bu barədə məlumat xarici KİV-də yer alıb. Qurumun hesabatına əsasən, Monqolustanın mövcud 21 əyalətindən 17-si hazırda aktiv bubonik vəba riski altındadır.

Mütəxəssislər bildirirlər ki, xüsusilə yay mövsümündə əhalinin kənd yerlərinə və təbiət qoynuna səfər etməsi, həmçinin bəzi hallarda qanunsuz ovlanmış marmot (dağsiçanı) ətinin qida rasionunda istifadə edilməsi yoluxma riskini kəskin şəkildə artırır.

Ümumdünya Səhiyyə Təşkilatının (ÜST) rəsmi açıqlamasına görə, bubonik vəba əsasən vəhşi gəmiricilərin üzərində yaşayan birələr vasitəsilə ötürülən təhlükəli bakterial xəstəlikdir. Xəstəlik vaxtında aşkar edilmədikdə və adekvat antibiotik müalicəsi aparılmadıqda, yoluxmadan sonrakı 24 saat ərzində ölümcül fəsadlara yol aça bilir.