Peterburqdan olan alimlər biotibb sahəsində innovativ layihələrini nümayiş etdiriblər. 

Aztibb.az "Neva today" nəşrinə istinadən yazır ki, Şimal paytaxtının Politexnik Universitetinin mütəxəssisləri iki yeni layihə təqdim ediblər.

Tibbi innovasiyalar xarici analoqları əvəz etməli və səhiyyə sisteminə töhfə verməlidir.

Tədqiqatçıların ilk tətbiqi dərinin bərpası üçün unikal material olub və bu, yeni nəsil plasterlərin əsasını təşkil edəcək. Onlar yanıqların, trofik xoraların və əməliyyatdan sonrakı yaraların sağalmasını sürətləndirdiyi üçün daha effektivdir.

İkinci ixtira isə onkoloji xəstələrdə qaraciyər, böyrəklər və ürək-damar sisteminə düşən yükün azaldılmasına yönəlib. Smolnıdan verilən məlumata görə, mühəndislər preparatların birbaşa şişin daxilinə yeridilməsini təklif ediblər.

İnnovasiyalar artıq müvafiq klinikaların böyük marağına səbəb olub, Peterburq hakimiyyəti isə qeyd edir ki, elm və texnologiyalar "şəhərin inkişafının 10 əsas prioriteti" sırasına daxildir.