Yaponiyanın Hayabusa2 kosmik aparatı tarixə düşə biləcək ən cəsarətli və riskli kosmik missiyalardan birinə hazırlaşır. Zond nəhəng asteroidlə rekord dərəcədə yaxın təmas qurmağa cəhd edəcək.

Aztibb.az "Neva Today" nəşrinə istinadən yazır ki, kosmik aparat manevrinə 2026-cı il iyulun 5-də başlayacaq. Həmin gün onun 1998 QE2 asteroidinə cəmi 330 metr məsafəyədək yaxınlaşması planlaşdırılır. Mühəndislərin sözlərinə görə, bu yaxınlaşma bu ölçüdə olan kosmik obyektlərin yaxınlığında təhlükəsizlik və naviqasiya dəqiqliyi baxımından yeni dünya rekordu hesab oluna bilər. Bu barədə Space.com məlumat yayıb.

Missiyanın əsas məqsədi asteroidin səthinin yüksək ayırdetmə qabiliyyətinə malik görüntülərini əldə etmək və onun kimyəvi tərkibini öyrənməkdir. Astrofizik Rudnevin sözlərinə görə, bu cür tədqiqatlar Günəş sisteminin yaranma tarixini daha dərindən anlamağa, həmçinin oxşar göy cisimlərinin Yer üçün yarada biləcəyi potensial təhlükəni daha dəqiq qiymətləndirməyə imkan verəcək.

Alimlər hesab edirlər ki, həyata keçiriləcək bu manevr nəticəsində 1998 QE2 asteroidi daha əvvəl öyrənilmiş digər asteroidlərlə müqayisə olunacaq. Bu da milyardlarla il əvvəl Günəş sistemində baş vermiş formalaşma proseslərinin daha yaxşı anlaşılmasına mühüm töhfə verəcək.