Azərbaycan Tibb Universitetinin (ATU) tələbəsi elmi, texnoloji, biznes və sosial sahələrdə innovativ ideyası olan gənc tədqiqatçıları, tələbələri və mütəxəssisləri bir araya gətirən nüfuzlu beynəlxalq innovasiya platforması - “Falling Walls Lab Azerbaijan” müsabiqəsinin finalına yüksəlib.
Universitetdən Aztibb.az-a bildirilib ki, 146 müraciətin daxil olduğu və yalnız 19 ən yaxşı iştirakçının seçildiyi müsabiqənin finalçıları arasında ATU-nun Əczaçılıq fakültəsinin III kurs tələbəsi Amin Əhmədov da yer alıb.
Yüksək rəqabət şəraitində keçən müsabiqəyə “Breaking The Wall of Unsafe Pharmacy Decisions” adlı layihə ilə qatılan tələbəmizin finala qədər yüksəlməsi mühüm nailiyyətdir. Bu nəticə maraqlı ideya, ciddi hazırlıq və ekspertlər qarşısında layihənin uğurla təqdimatının göstəricisidir.
Gənc tədqiqatçıların imkişafını hər zaman dəstəkləyən və bu fəaliyyəti daim diqqət mərkəzində saxlayan Azərbaycan Tibb Universiteti üçün tələbələrin bu cür beynəlxalq təşəbbüslərdə iştirakı xüsusi əhəmiyyət daşıyır. Belə müsabiqələr tələbələrə öz ideyalarını təqdim etmək, innovasiya mühitinin nümayəndələri ilə tanış olmaq, layihələrini inkişaf etdirmək və peşəkar rəylər almaq imkanı yaradır.
