Rizə Rəcəb Tayyib Ərdoğan Universitetinin (RTEU) alimləri tibbi implantların zamanla effektivliyini itirməsi nəticəsində yaranan infeksiya riskinə daimi həll yolu tapıblar. İçəridəki boşluqdan səmərəli istifadə edərək implantların ömrünü uzadan dizayn qeydə alınıb.

Aztibb.az "CNN Türk"ə istinadən yazır ki, RTEU akademik heyəti mövcud tibbi implantlar üzərində infeksiya və toksik təsir kimi problemləri aradan qaldırmaq üçün bir araşdırma həyata keçirib. Elm adamları laboratoriya mühitində 3 illik işin sonunda lazerlə açılan mikro kanallar sayəsində nəzarətli dərman buraxılmasını təmin edən və implantın dayanıqlığını artıran bir dizayn hazırlayıblar.

Bu çərçivədə tibbi implantın zamanla təsirini itirdiyi zaman meydana gələn infeksiya riskinə qarşı qalıcı bir həll tapılıb. İçəridəki boşluqdan səmərəli istifadə edərək implantların ömrünü uzadan “Antibakterial/Antimikrobiyal Dental İmplant Tərkibində Metal-Üzvi Çərçivə (MOF) Strukturu və İstehsal Metodu” adlı dizayn Türk Patent və Ticarət Nişanı İdarəsi tərəfindən qeydiyyata alınıb.

"İmplantlarda tez-tez rast gəlinən bir problem üçün yeni bir dizayn hazırladıq. Bu dizayna uyğun olaraq implantın içindəki boşluğu antibakterial saxlama yeri olaraq istifadə etdik. Hazırda üzərində işləyirik. Gələcəkdə bunu kütləvi istehsala keçirməyi hədəfləyirik."