Onkoloq Maksim Setsko xəbərdarlıq edib ki, dərinin dartılması və areoladakı dəyişikliklər döş xərçənginin gizli əlamətləri kimi özünü göstərir. O, həmçinin qeyd edib ki, dərinin səthindəki “limon qabığı” xərçəngdən xəbər verə bilər.

Aztibb.az xəbər verir ki, onkoloq Lenta.ru-ya müsahibəsində bir çox qadınların süd vəzisi xərçənginin əlamətlərindən xəbərsiz olduğunu deyib. Bunlardan ən məşhuru döş və ya qoltuqaltının yumşaq toxumasında sərt  görünüşüdür, lakin onların çox vaxt xəbərsiz olduğu başqa, daha az aşkar əlamətlər də var.

Həkim dərinin rəngindəki dəyişiklikləri yaxından izləməyi və hamiləlik, eləcə də ana südü ilə qidalanmadan kənar məmə ucundan hər hansı axıntıya diqqət etməyi tövsiyə edir, çünki bu, mühüm siqnal ola bilər.

O, erkən diaqnozun qoyulmasında mütəmadi olaraq profilaktik müayinələrin və skrininq müayinələrinin əsas rol oynadığını vurğulayıb. Bundan əlavə, artıq çəki, spirt qəbulu və siqaret çəkmək kimi risk faktorlarını azaltmaq da xəstəliyin inkişaf şansını əhəmiyyətli dərəcədə azalda bilər.