Alimlər hərtərəfli araşdırmalar nəticəsində kişilərin sidik-cinsiyyət sistemində spermalara nüfuz edə bilən və uzun müddət yaşaya bilən 22 virus aşkar ediblər.

Aztibb.az "The Lancet Microbe" nəşrinə istinadən xəbər verir ki, onlardan doqquzu cinsi yolla ötürülür.

Alimlər Ebola və Zika viruslarının uzun müddət kişilərin reproduktiv sistemində yaşadığını bildiriblər. Bu vəziyyətdə, immunitet sistemi təcavüzkarla mübarizədə çox vaxt tamamilə gücsüz olur.

Marburq, Qərbi Nil və Mroh virusları da “xüsusilə təhlükəli”lər siyahısına daxil edilib.

İnsan orqanizmində patogenlərin ömrü bir neçə ilə qədər ola bilər. Əldə edilən nəticələr fonunda ekspertlər xəstələrin daha diqqətli müayinəsini və xəstəliklərin aşkarlanması üçün yeni metodların işlənib hazırlanmasını tələb edirlər.