Mikrodalğalı soba demək olar ki, hər evdə tapılan rahat bir cihazdır. Bununla belə, bu cür texnologiyadan istifadənin təhlükələri ilə bağlı mübahisələr uzun illərdir ki, davam edir.

Aztibb.az “Planet Today” nəşrinə istinadən xəbər verir ki, endokrinoloq Zuxra Pavlova mikrodalğaların zərərini göstərən başqa bir faktdan danışıb.

Alimlər mikrodalğalı sobada yeməkləri qızdırarkən çoxlu miqdarda mikroplastikin qidaya daxil olduğunu müəyyən ediblər. Tədqiqatçılar öz təxminlərini təsdiqləmək üçün istehsalçılar birbaşa qablaşdırmada qızdırmağı tövsiyə edən uşaq qidasından istifadə ediblər.

Məlum olub ki, qızdırılan zaman qablaşdırma hər kvadrat santimetrdən 4 milyondan çox mikroplastik hissəcik və 2 milyarddan çox nanoplastik hissəcik buraxıb. Bundan əlavə, alimlər müəyyən ediblər ki, qidaları qablarda altı aydan çox olmayaraq saxlamaq olar, bundan sonra qablaşdırma qidaya plastik hissəciklər buraxmağa başlayır.