ATU əməkdaşları Q indeksli jurnallarda məqalə çapına görə mükafat alacaq  
07.06.2024 16:02

İstənilən ölkənin alim və tədqiqatçılarının mötəbər elmi platformalara çıxış əldə etməsi onların dünya elminə inteqrasiyasını sürətləndirir. Belə çıxış üsullarından biri də elmi tədqiqatların nüfuzlu beynəlxalq jurnallarda çap olunmasıdır.

 

Aztibb.az-a Azərbaycan Tibb Universitetindən (ATU) bildirilib ki, universitet əməkdaşlarının elmi tədqiqatlarının “Scopus” və “Web of Sciences” indeksli ciddi nəşrlər tərəfindən çap olunmasına xüsusi diqqət verilir.

Məlumdur ki, belə məqalələrin hazırlanması və tərtibi ilə bağlı dəqiq standartlar var. “Scopus” və “Web of Science” bazasında ən əhəmiyyətli ölçülərdən biri olan Q (kvartil) göstəricisi məlumat bazalarında nəşrin müvafiq indeksləşdirmə kateqoriyası üzrə populyarlıq səviyyəsini göstərir. Bu indeks üzrə elmi nəşrlər təxminən 4 qrupa bölünür. ATU-nun Elmi Şurasının qəbul etdiyi qərar məhz bu göstərici üzrə jurnallarda məqalə çap edən əməkdaşların stimullaşdırılmasına yönəlib.

 

ATU-nun rektoru professor Gəray Gəraybəylinin sədrliyi ilə keçirilən Elmi Şuranın iclasında məqaləsini Q indeksli nüfuzlu beynəlxalq jurnallarda çap etdirən əməkdaşların mükafatlandırılmasına dair qərar qəbul edilib.

 

Qərara əsasən, Q1 indeksli jurnallarda məqalələrin çapına görə - 3000 manat; Q2 indeksi üçün - 2000 manat; Q3 indeksi üçün - 1000 manat və Q4 indeksli jurnallarda məqalə dərc etdirən müəllifə 500 manat məbləğində mükafat veriləcək.

 

Qəbul edilən mükafalandırma sistemi ATU-nun professor-müəllim heyəti arasında beynəlxalq standartlara uyğun orijinal elmi əsərlərin sayının artmasına, onların elmi fəaliyyətinin inkişafına müsbət təsir göstərəcək. Bu, həmçinin ATU-da aparılan tədqiqatların nəticələrinin daha geniş elmi dairələrə yayılmasına, universitet əməkdaşlarının akademik məhsuldarlıq səviyyəsinin dünya miqyasında dəyərləndirilməsinə imkan yaradacaq.

Səadət Məmmədova
Müəllifin digər yazıları
ÇOX OXUNANLAR
 ATU-da orqan donorluğu və transplantasiyanın aktual məsələləri müzakirə olunub   
Şirvan ŞMX-da üst çənə sinusunun kistasının xaric edilməsi əməliyyatı uğurla icra olunub
Probiotiklərin orqanizmə təsiri nədir və hansı hallarda istifadəsi tövsiyə oluna bilər?
 Qobustan RMX-nın Ərəbşalbaş kənd həkim məntəqəsində səyyar tibbi müayinələr təşkil olunub   
Dövlət Tibbi Sığorta və Ekspertiza Agentliyinin təşkilatçılığı ilə şəhid ailələri üçün sağlamlıq aksiyasına start verilib
Şəhid anasının dalağında aşkarlanan çoxsaylı kistalarla əlaqədar laparoskopik üsulla cərrahi əməliyyat icra olunub
Yeni Klinikanın elmi tədqiqatı Dünya Neyroreabilitasiya Konqresində təqdim olunub
Səhiyyə Nazirliyinin dəstəyi ilə Tərtər və Suqovuşanda kardioloji AKSİYA
                  Qızıl birləşmələrini metal qızıla çevirən bakteriya aşkar edilib                        
Tibb elmləri doktoru Rəşad Şolan Türk Dünyası Transplantasiya Cəmiyyətinin Azərbaycanda rəsmi nümayəndəsi təyin olunub  
İlon Mask: Görmə qabiliyyətini bərpa etməyə yönəlmiş beyin implantı sınaqlara hazırdır
Bağırsağın quruluşundan ilhamlanan bakterial bioelement hazırlandı
Diabet və piylənmənin dərmansız müalicəsi istiqamətində yeni texnologiya - Qanda şəkəri və bədən çəkisini tənzimləyən elektron cihaz
Xankəndi şəhərinin təcili tibbi yardım əməkdaşları stasionardan kənar doğuşu uğurla həyata keçiriblər  
Səhiyyə naziri Anar Bayramov 3-cü Beynəlxalq Sağlamlıq Turizmi Konfransında iştirak edib